Home » Психологик методикалар тўплами

Психологик методикалар тўплами

Кириш

 Таълим муассасалари психологлари учун 9-11синфларида психологларнинг ишларини режалаштириш бўйича тузилган тавсиялар намунавий шаклда тақдим этилаётган бўлиб, психологик хизмат самарадорлигини ошириш ва уни такомиллаштириш ҳамда психологларнинг ишларини самарали ташкил этишлари учун мўлжалланган.

Тавсияда амалиётчи психологларнинг таълим муассасаларидаги психологик хизмат йўналишларига 9-11 синфлари ўқувчилари билан ишлаш бўйича ташкил этадиган ва олиб борадиган ишлари юзасидан психологик хизматнинг психологик таълим (тарғибот-ташвиқот), диагностика, профилактика, коррекция, психологик маслаҳат ва ўқувчиларни касб-ҳунарга йўналтиришга оид масалалар киритилган бўлиб, ушбу тавсияларга психологлар ўз ҳудудлари ва тажрибаларидан келиб чиқиб, қўшимча ва ўзгартиришлар киритишлари мумкин.

Тавсияда 9-11 синф ўқувчиларнинг психик тараққиёти ва шахс ривожланишидаги сифат ўзгаришлари, уларнинг ёш ва индивидуал хусусиятлари, ақлий имконият, қобилият ва қизиқишлари асосида таълим-тарбияни ташкил этиш ва олиб бориш, жамоада мўътадил психологик муҳитни яхшилаш, педагогик зиддиятларнинг олдини олиш, ўқувчиларини академик лицей, касб-ҳунар коллежлари ҳамда Олий таълим муассасаларига йўналтириш, касбни танлаш ва энг муҳими ҳар бир ўқувчи ва тарбияланувчини ўзига хослигидан келиб чиққан ҳолда, уларнинг интеллектуал ривожланишини таъминлаш, салбий бурилиш, оғишларини олдини олиш, аниқлаш ва бартараф этиш масалалари киритилган.

          15-18 ёшли ўсмир ёшидаги болаларда оилада ва жамоада учрайдиган шахсий ва ўзаро муаммолар

Ўсмирлардаги асосий психологик ўзгаришлар. 15-18 ёшда ўсмир ўзини аста-секин катта одам деб ҳис қила бошлайди, лекин кўп одат ва хусусиятлари болаларча бўлиб қолади. Бу ҳиссиёт(катталик) ҳисси деб аталиб, бу эса ўсмирлардаги асосий психологик янгиликдир. Бу ҳис ўсмирларда ўзига, атроф-муҳитга, одамларга нисбатан янги ҳиссий позицияни юзага келтиради.

Психологик методикалар тўплами